Green Blood (بادینی)
دوماهیکا شەڕێ ناڤخۆی ل ئەمریکا نیشانەكبوو بۆ دەستپێکرنا شوڕەشا پێشەسازی و هاتنا کوچبەران ژ سەرانسەری جیهانێ بۆ بجهئینانا خەونێن خۆ، بەلێ ئەو تشتێ چاڤەڕێی پتریا ڤان کوچبەران دکر ل ئەمریکا ب تنێ هەژاری و بێ دادی و بێ هیڤیبوونبوو. مانهاتن ل نیویورك تژیببوو ژ کوچبەران ئەوێن د بەندەر و ناوچا شەشێڕا دهاتن، د وی دەمیدا ناوچا (فایڤ پوینت) دهاتە نیاسین هەژارترین ناوچە ل جیهانێ. مافیایان گەندەلی ئێخستبوو هەمی ناوچێ، هەتاکو پولیسژی ئێخستبوون بن دەستێ خۆ ب ڕێکا بەرتیلان، فایڤ پوینت ناوچا مافیایانبوو و ئەو یاسابوون ل وێرێ. بەلێ هەتاکو (فایڤ پوینت)ژی دیاردکر چ نەبوو ژ بلی دزی و لەشفروشی و کوشتنێ، هندەك نیشانێن هیڤیا سەرهلدا. (لوک بێرنز) سنێلەکێ ڕاست و ڕاستگووبوو و ئەوی باوەری هەبوو کو مافیا ئەگەرێ نەخۆشیا ژیانا وانە و چوونا د ناڤ مافیایاندا خەونێت وی بجهـ نائینیت ل ئەمریکا. بەلێ برایێ وی یێ مەزن (براد بێرنز) ببوو کوژەکێ مەزنترین گروپێ مافیا (گرەیڤ دیگەرس) ل (فایڤ پوینت)ـێ و ئەوی ئەڤ نهێنییە ل (لوک)ـی ڤەشارت بۆ پاراستنا وی. (براد) یێ بەرنیاسبوو ب (گریم ریپەر) و ناڤودەنگێت وی چوون ب بێ دلوڤان و کوژەکەکێ زیرەك.
