پێداچوونەوەکان(32,991)
هەندێ جار دەپرسم خودا لێمان خۆشدەبێت بۆ ئەو شتانەی لەگەڵ یەکتر دەیکەین؟؟؟ Blood Diamond 2006 فیلمی ئەڵماسی خوێنین ، فیلمێک لە چەشنی سەرکێشی و درامی و هەستبزوێن ، لە دەرهێنانی ئیدوارد زویک و لە ڕۆڵگێڕانی دجیمون هۆنسو و جێنیفەر کۆنێلی و لیۆناردۆ دیکاپریۆ داهاتی فیلم 171ملیۆن دۆلار بووە ، ڕەیتینگی 8ی پێدراوە و پاڵێوراوی پێنج خەڵاتی ئەکادیمی ئۆسکار بووە سۆلۆمان ڤاندی کەسێکی هەژاری ناوچەکەیانە ، کاتێک پشێوی و ئاڵوزی و شەڕ لە ناوچەکە ڕوودەدات ، کارەساتی ناخۆش بەسەر خەڵکەکە دێت ، ژن و منداڵەکانیان لە پیاوەکان جیادەکرێنەوە و دووردەخرێنەوە ، پیاوەکانیش پێویستە لە کانەکان کاربکەن ، سۆلۆمان کاتێک کە ئەڵماسێک دەدۆزێتەوە پێوستە بیشارێتەوە و نەهێڵێت کەس پێی بزانێت دانی ئارچەر کە قاچاخچیەکە بە ئەڵماسەکە دەزانێت ، بەڵێنی پێدەدات یارمەتی بدات و بیبات بۆ لای خێزانەکەی ، لەبەرامبەردا پێویستە سۆلۆمان ئەڵماسەکەی پێ بدات فیلمێکە جیا لە چیرۆکە سەرەکیەکەی ، باس لە چەندین لایەنی تر دەکات ، لەوانە چەکدارکردنی منداڵان و هەرزەکاران ، نەهامەتی گەلانی ئەفریقیا لەو ساڵانەدا ، منداڵان لا جیاتی خوێندن چەک دەدرێتە دەستیان ، کوڕەکەی سۆلۆمان فاندی بە هەمان ئاڕاستە دەڕوات کە دەفڕێندرێت و وەک منداڵانی تر چەکدار دەکرێت لە تەمەنێکی کەمدا چوار کارەکتەری سەرەکی فیلمەکە دانی ئارچەر---لیۆناردۆ دیکاپریۆ کارەکتەری دانی ئارچەر سپی پێستێکی ئەفریقیە و هەموو هیوایەکی ئەوەیە لەو کیشوەرە بچێتە دەرەوە ، ئەفریقیا هەمیشە ناخۆش بووە بۆ دانی ئارچەر کاتێک تەمەنی نۆ ساڵان دەبێت دایک و باوکی لە دەستدەدات ، دایکی دەستدرێژی دەکرێتە سەر و دواتر دەکوژرێت و باوکی سەری دەپەڕێندرێت و سەری هەڵدەواسڕێت کارەکتەری دانی ئارچەر بێزارە لەو هەموو جەنگ و ئاڵۆزیەی لە ماوەی ژیانی لە ئەفریقیا ڕوویان داوە ، ئەو هەموو هیوایەکی ئەوەیە لەو کیشوەرە بچێتە دەر ، ئەڵماسەکە دەبێتە هۆی ئەوەی دەبێتە هیوایەکی زۆر بۆ ئەوەی ئەفریقا جێبێڵێت ، هەموو شتێک دەکات و بەڵێن بە سۆلۆمان دەدات کە یارمەتی دۆزینەوەی خێزانەکەی بدات و لە بەرمبەردا ئەویش یارمەتی بدات و ئەڵماسەکەی پێبدات و هەر چۆنێک بێت بچێتە ئەوروپا و لە ژیانی ئەفریقیا ڕزگاری ببێت سۆلۆمان ڤاندی--- دجیمۆن هۆنسۆو کەسێکی دانیشتووی گەڕەکێکی هەژار نشینە ، لەکاتی جەنگ وەک هەموو کەسێکی دیکە خێزانەکەی و کوڕەکەی لێ جیادەکەنەوە ، دەنێدرێت لە کانەکان کار بکات و ئەڵماسێک دەدۆزێتەوە هیوای سۆلۆمان چییە؟؟ تەنها هەوڵدەدات خێزانەکەی بدۆزێتەوە ، ئەڵماس گرنگ نییە تەنها هەوڵی دۆزینەوەی خێزان و کوڕەکەی دەدات ، لەگەڵ دانی ئارچەر ماوەیەک سەرکێشی بەسەردەبات لە بەرامبەر ئەوەی دانی ئارچەر یارمەتی بدات خێزانەکەی بدۆزێتەوە مادی بۆین---جێنیفەر کۆنیلی ڕۆژنامەنووسێکی ئەوروپیە دەنێردرێتە ئەفریقیا بەڵام ئاشنای دانی ئارچەر و سۆلۆمان دەبێت و هەوڵدەدات یارمەتییان بدات دیا ڤاندی---کاجیسۆ کۆیپریس((کوڕەکەی سۆلۆمان ڤاندی)) کوڕە گەورەکەی سۆلۆمان ، باوکی تاکە هیوای ئەوەیە کە خوێندنەکەی تەواو بکات ، بەڵام وەک منداڵانی تر لە کاتی جەنگ دەنێردرێتە شوێنێک و چەکدار دەکرێت و بە تەمەنێکی کەمەوە چەکی دەدرێتە دەست ، بەوەش دەروونی دەشێوێت و وای لێ دێت باوکیشی لێ دەبێت بە کەسێکی تر فیلمێکی جوان و چێژبەخشە ، بە تەواوی ژیانی گەلانی ئەفریقیا دەخاتە ڕوو ، یان چۆن جەنگ کاریگەرییەکی یەکجار خراپ درووستدەکات و ژیانی ئەو هەموو کەسە وێران دەکات
جیهانێکی سەیر، لادان لە ڕاستی، ئەو جیهانەی ڕۆژ بە ڕۆژ بەرەو خراپی دەڕوات بێگومان بەهۆی مرۆڤەکان، زۆربوونی خراپ و کەمبوونەوەی چاکە بەرامبەر یەکتری، درۆکردن و باوەڕنەکردن بەرامبەر یەکتری.... ڕاشۆمۆن، جیهانێکی پڕ تاوانکاری و دۆزەخ ئاسا، سەرتاپایی فیلمێک دەربارەی مرۆڤەکان و کردارەکانیان لەگەڵ یەکتر، بێ هیوابوون لە مرۆڤەکان، دیمەنی کۆتایی فیلمەکەش دیمەنێکی هیوا بەخش سەبارەت بە مرۆڤەکان و کردارەکانیان... فیـلمی (Rashomon) سـاڵی ١٩٥٠ لە یەکێک لە دیمەن و گفتوگۆکانی ئەم فیلمەدا، کەسێک بەوی تر دەڵێت:(ترسێنەرە..ئەگەر پیاوان بڕوا بە یەکدی نەکەن جیهان دەبێتە دۆزەخ)!!!!... ئەوی تریش دەڵێت:(ڕاستە...جیهان دۆزەخە)!!!!... فیلمێک دەربارەی دونیا.ئەو دونیایەی کە پڕ بووە لە درۆکردن بۆ بەرژەوەندی و درۆکردن لەگەڵ یەکتری، بەڵێ جیهان دۆزەخە، ئەو جیهانەی کە خراپەی مرۆڤەکان لەگەڵ یەکتر زاڵترە بەسەر چاکەی مرۆڤەکان لەگەڵ یەکتر، جیهانێک کە تا دێت خراپتر دەبێت و باوەڕکردنی مرۆڤەکان بە یەکتر کەم دەبێتەوە، ئەمە بۆ فیلمێک کە 72سـاڵ پێش ئێستا بەرهەمهێنراوە، ناوەڕۆک و سەردەمی فیلمەکەش باسی نزیکەی هەزار ساڵ پێش ئێستا دەکات. ئەی سەبارەت بە ئێستامان، جیهان زیاتر نەشێواوە و دۆزەخ ئاسایەک نیـیە خۆی؟؟؟؟؟!!!!!!...... فیلمی ڕاشۆمۆن لە دەرهێنانی دەرهێنەرە بلیمەتەکەی یابان ئاکیرا کۆرۆساوا..بێگومان ناوی لێدەنێین ئەو فیلمەی کە زیاتر دەرهێنەرەکەی ناساند فیلمێک لە چەشن و کۆکراوەی ژانەر و ڕووداوی درامی و نهێنی و هەستبزوێن، لە هەندێک دیمەنیش ترسێکت پێدەدات..فیلمێک کە شەش ئەکتەری تێدایە لەگەڵ دوو ئەکتەری لاوەکی..ئەکرێت پەرستگایەک و دادگایەک و چەند شوێنێکی کەم بەو ژمارە ئەکتەرە کەمەوە درووستکردنی شاکارێکی وای لێ بکەوێتەوە.. ئەگەر سەیری هەندێک لەو فیلمانە بکەین کە بابەتی گێڕانەوی چیرۆکەکەن، هەندێکیان تەنیا بە گفتوگۆکردن و قسەکردن و باسکردنی ڕووداوێک، ڕووداوەکە دەخەنە بەرچاوی بینەر بێ ئەوەی ڕووداوەکە نیشان بدرێ و لەو کاتەدا بینەر خۆی ڕووداوەکان دەهێنێتە پێش چاوی خۆی، هەندێکیشیان بەنیشاندانی ڕووداوەکە چیرۆکەکە دەگێڕنەوە،، وەک لەم فیلمە کە لەگەڵ گێڕانەوەی هەر ڕووداوێکی چیرۆکەکە ئەوا ڕووداوەکەش نیشان دەدرێ کە چۆن ڕوویداوە. کەواتە لەگەڵ گێڕانەوەی چیرۆکەکە، نیشاندانی ڕووداوەکانیش لەسەر فیلمەکەیە، ئەی چی لەسەر تۆی بینەرە؟ چێژ وەرگرتن؟ ڕاستە ئەم فیلمە هەر چرکە و خولەکێکی چێژبەخشە، بەڵام ئەوە لەسەر تۆیە کە بۆ ماوەی درێژایی ئەم فیلمە تۆ ببیت بە حاکم و بڕیار بەیت، لەم فیلمە دادگایەک هەیە بەڵام دادوەری لێ نییە و نیشان نادرێ!!! ئەکتەران قسە بۆ تۆ ئەکەن تۆ پێویست ببیتە دادوەر و بڕیارە ڕاستەکە بەیت بڕیار لەسەر چی دەدەیت؟؟ ڕووداوێک ڕوودەدات، چوار کەس لەم ڕووداوە بەشدارن، سێ کەس کە لەناو ڕووداوەکەن و کەسێکیش کە ڕووداوەکەی بینیوە.. ڕووداوەکە چییە؟؟؟ تاوانبارێک یان با بڵێین چەتەیەک بە ناوی (تاجی مۆرۆ) دەبردرێتە دادگا بۆ ئەوەی ڕووداوەکە بە ڕاستی بگێڕێتەوە..ئەویش باس لەوە دەکات کە ڕۆژێک دارستانێکدایە و پاڵی بە دارێک ناوەتەوە، لەو ڕۆژەدا سامۆڕاییەک لەگەڵ هاوسەرەکەی بەوێدا تێپەڕدەبن، تاجی مۆرۆ وا دەیگێڕێتەوە کە لەو کاتەدا ڕەشەبایەک هاتووە، ئەگەر ئەو ڕەشەبایە نەهاتبایە ئەو ڕووداوە ڕووی نەدەدا، تاجی مۆرۆ دەڵێت کە کاتێک سامۆڕاییەکە و هاوسەرەکەی بەلایدا دەڕۆن هاوسەری سامۆڕاییەکە بەسەر ئەسپێکەوەیە و پۆشاکێکی تەنکی بەسەر ڕووەوەیە و ڕەشەبایەک لەو کاتەدا هەڵدەکات و بەشێکی قاچ و بەشێکی ڕوخساری دەبینێت، ئیتر لەوەوە ڕووداوەکە دەستپێدەکات و تاجی مۆرۆ بە فێڵبازی خۆی سامۆڕاییەکە قۆڵبەست دەکاتو دەیبەستێتەوە و دەستدرێژی دەکاتە سەر هاوسەری سامۆڕاییەکە. تاجی مۆرۆ دەڵێت کە نیازی کوشتنی سامۆڕاییەکەی نەبووە، بەڵام لە دواتردا هاوسەری سامۆڕاییەکە دەڵێت کە ڕووبەڕووی یەکتر ببنەوە هەر کامێکتان زیندوو مانەوە لەگەڵ ئەوەتاندا دێم،،..تاجی مۆرۆش دوای 23جار شەڕکردن دواجار سامۆڕاییەکە دەکوژێت... ئەمە قسەکان و گێڕانەوەی ڕووداوەکان بوون لە زاری تاوانبارەکەوە واتا تاجی مۆرۆ.. بەڵام شتێک سەیرە!!! ئەمە تەنیا چیرۆکێک بوو کە تاجی مۆرۆی چەتە و تاوانبار دایڕشت بۆ پاراستنی خۆی، لە کاتێکدا سێ کەسەکەی دیکە بە سێ شێوەی جیاواز ڕووداوەکە دەگێڕنەوە!!!!! هەر چوار چیرۆکەکە باس لەوە دەکەن و کۆکن لەسەر ئەوەی کە دەستدرێژییەکە ڕوویداوە و سامۆڕاییەکەش کوژراوە.. بەڵام لەوەدا جیاوازن کە دەڵێن دواتر چی ڕوویداوە؟؟؟ دواتر چی بووە؟؟.. هاوسەری سامۆڕاییەکە دەهێنن ئەویش باسی دەستدرێژییەکە دەکات..بەڵام دوای ئەوە باسی شتێکی تر دەکات کە جیاوازە لەو ڕووداوانەی کە تاجی مۆڕۆی تاوانبار گێڕایەوە...واتا ئێستا دوو کەس هێنراوەتە دادگا و چیرۆکەکەیان گێڕاوەتەوە، هەردووکیان باسی دەستدرێژییەکەیان کردووە، بەڵام دوای ئەوە چی ڕوویداوە؟؟ تاجی مۆرۆی تاوانبار بە شێوەیەک و هاوسەری سامۆڕاییەکەش بە شێوەیەکی تر دەیگێڕنەوە ڕۆحی سامۆڕاییەکەش دێتە قسە، مردنی سامۆڕاییەکە یەکلابۆتەوە و لە هەر چوار چیرۆکەکە باس لە مردنی دەکرێ،، بەڵام ئەمیش بە شێوەیەکی جیاواز چیرۆکەکە دەگێڕێتەوە کە چی دوای ئەوە ڕوویداوە و چۆن کوژراوە؟ کەسی چوارەم ئەو کەسەیە کە ڕووداوەکە دەبینێ، ئەویش بە شێوەیەکی جیاوازتر ڕووداوەکە دەگێڕێتەوە، کە چی ڕوویداوە و چۆن ڕووداوەکەی بینیوە.... لەم کاتە چوار چیرۆک بۆ تۆ دەگێڕنەوە، چوار چیرۆک کە هەموویان دەڵێن حەقیقەت لای منە و من ڕاستم، لێرەدا باوەڕکردن بە مرۆڤەکان لاواز بووە بەرامبەر یەکتر، بەڵێ پیاوانیش بڕوا بە یەکدی ناکەن، چوار چیرۆکی جیاواز کە چوار کەس دەیگێڕنەوە بۆ ئەوەی پارێزگاری لە خۆیان بکەن، تەنانەت ئەوەی ڕووداوەکەشی بینیوە بە شێوەیەک چیرۆکەکە باس دەکات کە خۆی ئەو چیرۆکەی درووستی کردووە بۆ ئەوەی ئەویش پارێزگاری لە خۆی بکات و تووشی کێشە نەبێتەوە....ئەوەی تر لەسەر تۆیە کە کام چیرۆکەی ئەو چوار کەسه بە ڕاست دەزانیت!!!!!!..... لە یەکێک لە دیمەنەکانی کۆتاییدا لە کۆتایی فیلمەکەدا لە پەرستگاکە دەنگی گریانی منداڵێکی ساوا دێت کە لەلایەن دایک و باوکییەوە فڕێدراوە و لە سووچێکی پەرستگا داندراوە، ئەو پیاوانەی دەچنە لای یەکیان دەچێت بەشێکی جل و بەرگی منداڵەکەش دەبات..تەماشا کەن ڕێک باس لەوە دەکات کە لە دونیای ئەمڕۆمان وای لێ هاتووە کە جلوبەرگی منداڵیش دەدزرێ!! یەکێکی تریان پێی دەڵێت:(تۆ خراپەکاریت کە جلی منداڵێک دەبەیت) ئەویش دەڵێت: (ئەی چی دەربارەی دایک و باوکی منداڵەکە کە خۆشی دەبینن و دواتریش منداڵ دەردەکەن، ئەوان خراپەکارن)!! دووبارە پێی دەڵێتەوە:(نەخێر تۆ هەڵەیت. سەیری نوشتەکە بکە لەسەر بەرگی کیمۆنۆکە، جێهێڵدراوە بۆ پارێزگاریکردن لە منداڵەکە، بیر لەوە بکەوە بە چیدا تێپەڕیون بۆ دەستهەڵگرتن لەو منداڵە)!! ئەویش دەڵێت:(من کاتم نییە بۆ گرنگیدان بە هەستەکانی هەموو کەسێک)!!.. پرسیار لێرە ئەوەیە ئایا جیهان بەو شێوەیەی لێ هاتووە کە گرنگی بە هەستی مرۆڤەکان لە ناو یەکتر نەدرێت و کەلەڕەقی مێشکی مرۆڤەکان داگیربکات؟؟ئەوەتا هەر لەو دیمەن و گفتوگۆیەدا ئەو پیاوەی کە جل و بەرگی منداڵێکی ساوای دزیوە. پیاوەکەی تر پێی دەڵێت کە تۆ کەلەڕەقیت، ئەویش دەڵێت:(وە ئەوە چی تێدایە؟سەگەکان لە باشترین بارودۆخدان لەم جیهانەدا..ئەگەر کەلەڕەق نەبیت ناتوانیت ڕزگارت بێت)!.... ئایا جیهان هێندە خراپە کە پڕ بوبێت لە تاوانکاری و تاوانی مرۆڤەکان لەگەڵ یەکتر و کەسێکی کەلەڕەق باشترین بارودۆخی هەبێت؟؟بەڵێ ئەوەی هەستی نەبێت و کەلەڕەق بێت لەوانەیە باشترین بارودۆخ لە جیهانی ئەمڕۆی مرۆڤایەتی بژیت.. کۆتایـی فیـلمەکە: لەتەواوی فیلمەکە ڕەنگە باس لە خراپی مرۆڤەکان بکات و بێ هیوا بیت لە مرۆڤایەتی، بەڵام لە دیمەنی کۆتایی کەمێک هیوا دەگەڕێتەوە کە باوەڕت بە مرۆڤ هەبێت. ئەوەی جلوبەرگی منداڵەکەی دزی دەڕوات و دوردەکەوێتەوە لەو شوێنە، دوو پیاو دەمێننەوە کە منداڵەکەشیان پێیە، یەکیان دەڵێت کە من منداڵەکە هەڵدەگرمەوە و بەخێوی دەکەم، شەش منداڵم هەیە و دانەیەکی دیکەش جیاوازی درووست ناکات.ئەوی تریش پێی دەڵێت:(هێشتا باوەڕم بە مرۆڤ دەبێت)!!.... بەڵێ لە فیلمێکی تەواو دەربارەی خراپەکاری و درۆکردنی مرۆڤەکان، لە دیمەنێکی کۆتایی کەمێک هیوا دەدات کە مرۆڤی باش هێشتا ماوە و هێشتا دەکرێ باوەڕمان بە مرۆڤ هەبێت.....
بەڕاستی مێشک ھەژێنە ێەزموونێکە بۆ ھەر کەس یەک جارە لە ژیانیا ھیوادارم بەشەکانی تریشی دانێن
فلیمێکی باش بوو وەڵامی زۆر پرسیاری مناڵیمانی دایەوە،بەڵام بەداخەوە بۆ منداڵ نابێت بەتایبەت منداڵی موسڵمان
یەکێک لە باشترینە کانی مێژوی ئیسپانیا بەڕاستی شایەنی سەیر کردنە 😍
٢ ساڵ چاوەڕوانیم بە بیفڕۆ نەچوو♥️
بەڕاستی فلمێکی خۆش بوو شارەنی سەیرکردنە بە دڵنیاییەوە پێنج خاڵ
Mn wak xom qat 7azm la znjera nabua balam barasty the vampire diaries Ray gorem xoshtrin znjara Bua ta esta benebetm shany sayrkrd
Dastan xoshbe aw filmay scot adkinsy tyabe ya3ny jwantrin sharkar jwantrin film ❤️🔥😻!zor bachezhw jwan bw sarkawtw bn
هەر وەک دوو بەشەکەی تر زۆر نایاب و خۆش بوو ، هەر لە ئێستەوە چاوەڕێی بەشە نوێیەکەم 😍
چیرۆکەکەی لەوانەیە بەهێز نەبێت بەڵام بۆ فیلمێکی پڕ ئەکشن باشترینە.
ھەتا بڵێی زنجیرەیەکی پر چێژە ئەلقە لە دوای ئەلقە نەفەری نوێ دێتە ناوێ ئەمەش زنجیرەکە خۆشتر دەکات تا ئێستا زنجیرەم نەدیوە ھەندی ئەمە کاراکتەری تێدابێت شایەنی سەیرکردنە
بەراستی زنجیرەیەکی بەچێژە ، ھۆکاری سەرەکی زۆمبی نیە تەنھا ھەوڵ دەدەن لۆ مانەوە
ھەتا بڵێی زنجیرەیە کی بەچێژە چاوەرێی ئەوەم لێی نەدەکرد، شێوازی زنجیرەکەش زۆر دەستەوە سەر ڕۆژانی خوێنمژەکان
بژی دەستان خۆشبێت❤ وەرگێڕانەکەشی جوانبوو
